Republic Day Camp 2025 Delhi-ah kal dawn
Govt. Mizo High School Pipe Band te chu thla engemaw zat training an schoolah an neih hnuin kumin July thla khan Guwahati ah NCC Group wise band competition-ah tel ve in NCC Camp sang ber Republic Day Camp,New Delhi -a North East Region aiawh Band (NER Band) ni turin thlan an ni a,Tunah hian Republic Day Camp -Launch Camp,Jorhat,Assam-ah Chief Officer Lalbiakzuala’n hruaiin December ni 16 atang khan awmin naktip mai December ni 25 hian Delhi lam panin Guwahati atang hian an chhuak leh dawn a,Delhi RDC ah hian First Officer Lalthakimi’n kaihruaiin a awmpui leh dawn a ni . Hetianga Mizoram aiawh mai nilo,North East pum aiawh tur Pipe band Mizoram’n kan nei thei hi an chhuanawm hle a ni. Band member-ah hian Govt. Mizo High School naupang leh Govt. Mizo Higher Secondary School naupangte awmin mipa 26 leh hmeichhia 19 an tel a ni.Tun tumah hian instruments leh Dress a thar vek neiin RDC hi an vawi 13 telna tur a ni bawk a ni.